Contoh PAMBAGYAHARJA

Assalamu’alaikum wr wb

Muqadimah

           Mugi-mugi kawilujengan karaharjan berkah saha rakhmad kagunganipun Gusti Ingkang Maha mirah, tansah lumintu, lumintir, kajiwa kasalira dhumateng panjenengan sedaya dalasan kula sumrambah kulawarga waradin sagung dumadi, widada niskala lulus raharja

Ø Para ,sesepuh saha pinisepuh, ingkang hanggung mestuti dimatengh pepoyaning kautaman

Ø para alim, para ulama ingkang tandaha cinaketan ing reh kautamaning budi kinuntukan mring kitab suci ingkang tansah kula mulyakan/dhereki menggah sabdatamanipun/maudhal khasanahipun

Ø maggalalning praja satriya pangembating nagari ingkang tuhu berbudi bawa lekso\ana, langkung-langkiung dumaten camat....lsp

Ø para trahing budaya adi luhung ingkang tansah memardi mring mardawaning budya, langkung-langkung dumateng bapa ....

Ø para kadang mudya madya meing werda ingkang sinangkban talining pasederekan bhineka tunggal ika / tanhama darma mangrowa siswa pawiyatan panatacara twin pamedhar sabda bergada IX Permadani kabupaten Wonosobo, ingkang tansah cinaket ing manah, kinangkeb ing kekadangan saha tinansulan raos pasedherekan rinonce  sekaring katresnan

                       Kula lan panjenengan namung jejer manungsa lumrah ingkang tansah sendhe sumendhe saha ngantu antu berkahing Gusti, langkung rumiyin sumangga kula dherekaken hangonjukaken puja pudyastawa sahandhap pepadaning Gusti Ingkang Maha Agung, kacihna ingkang sampun mawurahan hangluberaken  sih katrisnanipun ingkang awujud pangayoman, bagas kwarasan, karaharjan, kabagyan saha ombering wekdal, satemah anjalari panjenengan sedaya dalasan kula saget pepanggihan kempal manunggal ing papan menika kanthi widada kalis ing sakehing durgama, wilujeng rahayu, inggih awit saking menika minangka wedharing raos syukur kanthi pangucap  “Alhamdulillahirabbil ‘alamin”

            Shalawat saha salam dalah karahayon mugi tansah lumeber dhumateng priyagung paunggulaning manungsa mustikaning bawana nun inggih Rasulullah Muhammad S.A.W dalah kaluarga sumrambah para sahabat, ,sagung pandherek kalebet panjenengan sedaya dalasan kula ingkang tansah hangantu songsong pangayomaning fiddunya wal akhirah. Amin

             Ngatururaken pambagya wilujeng, sugeng rawuh wonten griya kula dumateng para dwija saha panjenengan sedaya Siswa Gladhen kelompok Gladen Wijaya Kusuma.

              Bapa Dwija ingkang dahat kinurmatan dalah para kadang siswa, ingkang sulistya ing budi. 

Kula sakeluarga ngaturaken gunging panuwun saking rawuh panjenengan sedaya wonten griya kula ing sonten menika, kula pidados bilih rawuh panjenengan tansah mbeta berkah kautaman tumrap kula sakeluarga, awit saking alelambaran niat kang suci nun inggih niat silaturahim, minangka dados margi, ngraketaken, nyupeketaken ing pasrawungan, satemah ndadosaken anggen memitran saha pasedherekan satuhu lestantun wonten bebrayan ing alam sawehung

Dene rawuh panjengengan sedaya, kejawi niat silaturahim kasebat, ugi mbok bilih ngemu wigatos nun inggih netepi punapa ingkang sampun dipun sarujuki bilih wekdal dinten menika kaleres anggenipun gladhen mapan wonten panggenan kula.

Kula sanget anggenipun suka parisuka, dene panjenengan sedaya kersa rawuh minangka ngayahi gladhen ingkang mapan wonten griya kula.

Mugi tumapaking acara gladhen ing mangke tansah pikantuk pepayunging  Gusti satemah pinaringan gangsar saha gancar samudayanipun.

Mboten supe kula minangka ingkang kapanggenan gladhen nyuwun gunging pangaksama dumateng panjenengan sedaya awit saking  kirangipun panampi, papan saha kalenggahan ingkang mboten sekeca saha cumawisipun piranti gladhen ingkang prasaja, sarta cupeting saha sepelening sugata, dalasan maneka warna kekirangan anggen kula nampi panjenengan. Mugi panjenengan sedaya sukalila maringi pangaksama, kalebet saking kirangipun  trapsila, kirang tata krama, solah bawa ingkang sembrana saha kirang suba sita anggen kula nampi rawuh panjenengan satemah ndamel cuwa kuciwaning penggalih wasana mboten saged ndamel suka renaning penggalih panjenengan.

Pramila saking menika kula hamung sanget ngaturaken jenang sela, sela kang apinda ancala, apuranta cinandhi salam lama.

Sakderengipun mungkasi atur, wasana kula piyambak wondene wonten wijang wijiling wicara, klenta klentinipun tembung, tumpang suhipun basa, saha galap gangsuling ukara, punapa dene sigug wagu kirang tatakrami, nyuwun gunging pangaksama awit mbok bilih anggen kula matur  ndadosaken mboten rena ing penggalih panjenengan sedaya.

Minangka panutuping atur “ ihdinassiratalmustaqim, wabillahitaufik walhidayah, wassalamu’alaikum wr.wb.”