Contoh PANGANDIKA ING UPACARA PANGLAMAR



Ing upacara panglamar, namung winates kulawarga, sesepuh/RT/RW saha dhuta saking panglamar, rehning namung pepanggihan kulawarga lajeng mboten mawi paraga panatacara.
Sesampunipun dhuta panglamar rawuh, katuran lenggah tumuli lajeng :
-       Babaring pangandikan ingkang kagungan dalem/utusan
-       Pangandika dhuta panglamar
-       Wangsulan ingkang kagungan dalem/utusan
-       Dhuta panglamar sakadang pendherek kasugata sawetawis
-       Pamitan dhuta panglamar
-       Hananggapi pamit.

Atur Pambagya Ingkang Kagungan Dalem.
1.  Menawi dipun adani piyambak ingkang kagungan galem
Assaalamu’alaikum wr. wb.
Muqadimah
           Para Bapak twin para kadang ingkang dhahat kinurmatan, kanthi tansah muji syukur wanten ngarsa dalem Allah SWT, kula ngaturaken pambagya wilujeng, sugeng rawuh, panjenengan sedaya, sampun kersa rawuh griya kula, mugi lenggah kanthi merdikaning penggalih.
Dipun tepangaken rumiyin, nami kula ....................(ingkang kagungan dalem) dene menika bojo/semah kula .............(sisihanipun ingkang kagungan dalem)
(lajeng dipun tepangaken setunggal mbaka setunggal sinten kemawon ingkang lenggah ndherek nampi dhuta panglamar kasebat)
Kula sakeluarga nyuwun gunging pangaksami, mbokmenawi anggen kula nampi rawuh panjenengan sedaya wonten kekirangan saha kalepatan ingkang mboten damel suka renaning penggalih.
 Selajengipun, kula pitados bilih rawuh panjenengan wonten wigati ingkang badhe kababar. Pramila menawi sampun wonten keparengipun, sumangga kababarna wigatosing sedya panjenengan rawuh griya kula, sumangga.

2.  Menawi ingkang kagungan galem dipun sulihi dening sanes
Assaalamu’alaikum wr. wb.
Muqadimah
           Para Bapak twin para kadang ingkang dhahat kinurmatan, kanthi tansah muji syukur wanten ngarsa dalem Allah SWT, kula ngaturaken pambagya wilujeng, sugeng rawuh, panjenengan sedaya, sampun kersa rawuh wonten dalemipin bapa ....................(ingkang kagungan dalem), mugi lenggah kanthi merdikaning penggalih.
Dipun tepangaken rumiyin, nami kula .........minangka sesulih saking bapa ....................(ingkang kagungan dalem) saha Ibu .......... (sisihanipun ingkang kagungan dalem)
(lajeng dipun tepangaken setunggal mbaka setunggal sinten kemawon ingkang lenggah ndherek nampi dhuta panglamar kasebat)
Bapa ....................(ingkang kagungan dalem) saha Ibu .......... (sisihanipun ingkang kagungan dalem) nyuwun gunging pangaksami, mbokmenawi anggen nampi rawuh panjenengan sedaya wonten kekirangan saha kalepatan ingkang mboten damel suka renaning penggalih.
 Selajengipun, kula pitados bilih rawuh panjenengan wonten wigati ingkang badhe kababar. Pramila menawi sampun wonten keparengipun, sumangga kababarna wigatosing sedya panjenengan rawuh wonten ngarsa bapa ....................(ingkang kagungan dalem) saha Ibu .......... (sisihanipun ingkang kagungan dalem), sumangga.

Pangandikanipun Dhuta Panglamar
Assalamu’alaikum wr wb.
Muqadimah.
Kawilujengan twin sih nugrahaning Gusti Allah SWT ingkang maha mirah, mugi tansah lumintu, lumintir, kajwa kasalira ing panjenengan sedaya lan kula, waradin sagung keluarga.
Langkung rumiyin, kula tansah hangunjukaken  puji syukur wonten ngarsa dalem Allah SWT awit paringipun kekiyatan saha kawilujengan, satemah widada sowan kula sakadang wonten ngarsa panjengan Bapa............(ingkang kagungan dalem)
Keparenga kula ugi bade nepangaken, bilih nami kula pun ....(sebat kanthi jangkep) dene punika kadang kula ..........lan.........(sebat sinten mawon ingkang ndherek kanti jangkep).
Sowan kula sakadang, kejawi silaturahmi, ingkang wigati kautus dening panjenenganipun bapa/Ibu..........(ingkang ngutus nglamaraken kagem putranipun) ingkang lenggah dedalem ing ..........(sebat kanti jangkep alamatipun) :
Ø  sepisan, ngaturaken salam taklimipun Bapa ..........(ingkang ngutus nglamaraken kagem putranipun)  sakeluarga mugi katur  wonten ngarsanipun                    Bapa ........(ingkang kagungan dalem) kanthi atur Assalamu’alaikum wr wb.
Ø  Jangkep atur kula ingkang angka kalih, inggih awratipun Bapa.... (ingkang ngutus nglamaraken kagem putranipun) sakeluarga tinangisan putra kakungipun ingkang paparab mas bagus .........(nami putra ingkang badhe pun lamaraken), ingkang sampun wonten sambet raos kaliyan putra putri panjenengan ingkang asesilih dyah ayu ...............(nami ingkang dipun lamar).
Pramila sowan kula rinen ngebun-ebun enjang njejawah sonten, nglamar putra putri panjenengan nun inggih dyah ayu ...............(nami ingkang dipun lamar).
            Menawi Gusti Allah marengaken, saha wonten keparingipun                      Bapa ............(ingkang kagungan putra putrinipun) punapa dene wonten sarjuning penggalih ingkang putra dyah ayu...............(nami ingkang dipun lamar). Badhe kasuwun kinarya jatukramanipun nakmas bagus ...........(nami putra ingkang badhe pun lamaraken).
Salajengipun mugi wonten keparengipun Bapa ........(ingkang kagungan dalem) kersa paring wangsulan ingkang gumathok ing dinten menika ugi, kula sanget ngaturaken agenging panuwun.
Kados namung mekaten atur kula, menawi wonten patrap saha atur kula ingkang kirang prayogi, kula nyadong lumunturing sih samodra pangaksami.
Ing wasana, kula sakadang namung badhe hanampi paring dhawuh panjenengan.
Wassalamu’alaikum wb. Wb.

Atur Wangsulan Panglamar
(mboten mawi pambuka, awit nerasaken pangandikan ingkang sampun, cekap salam kemawon)
1.    Menawi dipun adani piyambak ingkang kagungan galem
.Assalamu’alaikum wr wb.
Bapa ....(nami dhuta panglamar) ingkang tuhu luhur ing budi.
Kula ngaturaken agenging panuwun awit saking pangandika panjenengan ingkang rumentah dhateng kula.
Sedaya pangandika panjenengan saged kula tampi kanthi cetha, pramila :
Paringipun salam taklim saking Bapa ..........(ingkang ngutus nglamaraken kagem putranipun)  sakelarga kula tampi kanthi suka bingahing manah kanti pangucap “wassalamu’alaikum wr wb”, salam taklim kula mugi kaaturna  dhumaten Bapa  ..........(ingkang ngutus nglamaraken kagem putranipun) dalah keluarga ing .......(pilenggahipun) kanti  “ Assalamu’alaikum we wb”
Wondene Bapa..........(ingkang ngutus nglamaraken kagem putranipun) kagungan sedya, badhe hamupu yoga kepareng mundhut mantu dateng anak kula ..............(nami putra putrinipun piyambak)  pinangka jatuktamanipun nak mas...........(nami putra ingkang badhe pun lamaraken), kula namung jumurung ing karsa.
Sakderengipun kula nglajengaken atur wangsulan, langkung rumiyin kula badhe tangled rumiyin dumateng ingkang bade nglampahi, nun inggih ...........(nami putrinipun) purun mbotenipun, awit sakmenika jamanipun sampun benten kaliyan jaman panjenengan saha kula rumiyin ingkang tasih ngugemi menawi kebo menika ingkang nyusu gudel, ananging jaman samenika jamanipun  kebo nusu gudel.
(lajeng ingkang putra dipun timbali, twin dipun tari, umpami mekaten “piye nduk.... “lsp. cekak aos. Sak sampunipun lajeng dipun lajengaken anggenipun pangandikan.
Kados anak kula pun ..............(nami putra putrinipun piyambak) inggih sampun rila ananggapi katresnanipun nak mas  ...........(nami putra ingkang badhe pun lamaraken).
 Pramila kula jejering tiyang sepuh mratelakaken bilih panglamaripun nakmas  ...........(nami putra ingkang badhe pun lamaraken) lumantar panjenengan sampun kula tampi.
Mugi Gusti Allah SWT ngijabahi, satemah sedyatama kalawau saged kasembadan kanthi kalis ing rubeda, pinaringana lestari pinesthining jodho.
Salajengipun, baba dinten kaleksananiun gati, prayogi dipun rembag ing kalodangan sanes.
Mekaten atur kula, mugi atur wangsulan kula kalawau kaaturna dhateng bapa ..........(ingkang ngutus nglamaraken kagem putranipun) ing .....(pilenggahipun)
Selajengipun, dhumateng Bapa .....(dhuta panglamar) Bapa......(kadang sanesipun ingkang ndherek) lsp. Kula aturi sekeca lenggah kanthi merdikaning penggalih lan mangga kersa angrahabi pasugatan sawontenipun.
Wassalamu’alaikum wr. wb.

2.    Menawi ingkang kagungan galem dipun sulihi dening sanes
.Assalamu’alaikum wr wb.
Bapa ....(nami dhuta panglamar) ingkang tuhu luhur ing budi.
Kula .....minangka sulih saking  bapa ....................(ingkang kagungan dalem) saha Ibu .......... (sisihanipun ingkang kagungan dalem) ngaturaken agenging panuwun awit saking pangandika panjenengan ingkang rumentah katur dhateng bapa ....................(ingkang kagungan dalem) saha Ibu .......... (sisihanipun ingkang kagungan dalem)
Sedaya pangandika panjenengan saged kula tampi kanthi cetha, pramila :
Paringipun salam taklim saking Bapa ..........(ingkang ngutus nglamaraken kagem putranipun)  sakluarga sampun dipun tampi kanthi suka bingahing manah kanti pangucap “wa’alaika wassalamu’alaikum wr wb”, salam taklim saking bapa ....................(ingkang kagungan dalem) saha Ibu .......... (sisihanipun ingkang kagungan dalem) mugi kaaturna  dhumaten Bapa  ..........(ingkang ngutus nglamaraken kagem putranipun) dalah keluarga ing .......(pilenggahipun) kanti  “ Assalamu’alaikum wr wb”
Wondene Bapa..........(ingkang ngutus nglamaraken kagem putranipun) kagungan sedya, badhe hamupu yoga kepareng mundhut mantu dateng puta putrinipun bapa ....................(ingkang kagungan dalem) saha Ibu .......... (sisihanipun ingkang kagungan dalem) ingkang kagungan asma..............(nami putra putrinipun piyambak)  pinangka jatuktamanipun nak mas...........(nami putra ingkang badhe pun lamaraken), bapa ....................(ingkang kagungan dalem) saha Ibu .......... (sisihanipun ingkang kagungan dalem) namung jumurung ing karsa.
Kula minangka sulihipun Bapa....saha Ibu......sakderengipun nglajengaken atur wangsulan, langkung rumiyin kula bade matur dumateng ingkang bade nglampahi, nun inggih ...........(nami putrinipun), purun mbotenipun   awit sakmenika jamanipun sampun benten kaliyan jaman panjenengan saha kula ingkang tasih ngugemi menawi kebo menika ingkang nyusu gudel, ananging jaman samenika jamanipun  kebo nusu gudel. Bapa ........Saha Ibu.......ugi sampun maklum wontenipun kahanan jaman kasebat.
(lajeng ingkang putra dipun timbali, twin dipun tari, umpami mekaten “piye nduk.... “lsp. cekak aos. Sak sampunipun lajeng dipun lajengaken anggenipun pangandikan.
Kados putra putrinipun, pun ..............(nami putra putrinipun piyambak) inggih sampun rila ananggapi katresnanipun nak mas  ...........(nami putra ingkang badhe pun lamaraken).
 Pramila bapa ....................(ingkang kagungan dalem) saha Ibu .......... (sisihanipun ingkang kagungan dalem) jejering tiyang sepuh mratelakaken bilih panglamaripun nakmas  ...........(nami putra ingkang badhe pun lamaraken) lumantar panjenengan sampun dipun tampi.
Mugi Gusti Allah SWT ngijabahi, satemah sedyatama kalawau saged kasembadan kanthi kalis ing rubeda, pinaringana lestari pinesthining jodho.
Salajengipun, bab dinten kaleksananipun gati, prayogi dipun rembag ing kalodangan sanes.
Mekaten atur kula, minangka sesulihipun bapa ....................(ingkang kagungan dalem) saha Ibu .......... (sisihanipun ingkang kagungan dalem) mugi atur wangsulan panglamar kalawau kaaturna dhateng bapa ..........(ingkang ngutus nglamaraken kagem putranipun) ing .....(pilenggahipun)
Selajengipun, dhumateng Bapa .....(dhuta panglamar) Bapa......(kadang sanesipun ingkang ndherek) lsp. Kula aturi sekeca lenggah kanthi merdikaning penggalih lan mangga kersa angrahabi pasugatan sawontenipun.
Wassalamu’alaikum wr. wb.

Komentar

Posting Komentar

Postingan populer dari blog ini

Contoh Pambagyaharja ing Acara Halal Bihalal

Assalamu’alaikum wr wb            Kawilujengan k araharjan berkah saha rakhmad kagunganipun Gusti Ingkang Maha mirah, mugi tansah lumintu, lumintir, kajiwa kasalira dhumateng panjenengan sedaya dalasan kula sumrambah kulawarga waradin sagung dumadi, widada niskala lulus raharja Ø Para ,sesepuh saha pinisepuh , ingkang hanggung mestuti dhumateng pepoyaning kautaman Ø para alim, para ulama ingkang tansah cinaketan ing reh kautamaning budi kinuntunan mring kitab suci ingkang tansah kula mulya a kan saha ingkang tuhu kinabekten Ø maggalaning praja satriya pangembating nagari ingkang tuhu berbudi bawa leksana, Ø Para pangarsa Organisasi kemasyarakatan ingkang kinurmatan Ø Pangarsa Permadani Kabupaten Wonosobo ingkang lebda ing pitutur, Ø para kadang mudha madya werda saha keluwarga agung permadani Kabupaten Wonosobo ingkang sinangkeban talining pasedherekan bhineka tunggal ika, tanhama darma mangrowa, ingkang bag...
Terus membaca

PAMBAGYAHARJA TANGGAP WARSA

Assalamu’alaikum wr wb            Kawelasan sih saking Gusti Ingkang Maha welas maha asih , mugi tansah lumintu, lumintir, kajiwa kasalira dhumateng panjenengan sedaya dalasan kula sumrambah kulawarga, widada niskala lulus raharja Ø Para ,sesepuh saha pinisepuh , ingkang hanggung mestuti dhumateng pepoyaning kautaman, para alim, para ulama ingkang tuhu kinabekten Ø Bapak Ibu Guru ingkang tansah memardi mring mardawaning ngelmu ingkang kinurmatan Ø para kadang mudha madya werda ingkang cinaket ing manah Ø para rawuh kakung sumawana putri ingkang kula mulyaaken Nglenggana bilih panjenengan lan kula jejering titah sawantah jalma limrah ingkang tansah kapurba kawesa dining gusti ingkang maha wikan sumangga kula dherekaken hangonjukaken puja puji syukur wonten ngarsa Allah, ingkang saking keparengipun ing kalenggahan menika panjenengan lan kula saged kempal manunggal angestreni pahargyan tanggap warsanipun Mas . . ....
Terus membaca

PAMBAGYAHARJA KHITAN + KHATAMAN QURAN

Assalamu’alaikum wr wb            Kawilujengan k araharjan berkah saha rakhmad kagunganipun Gusti Ingkang Maha mirah, mugi tansah lumintu, lumintir, kajiwa kasalira dhumateng panjenengan sedaya dalasan kula sumrambah kulawarga waradin sagung dumadi, widada niskala lulus raharja Ø Para ,sesepuh saha pinisepuh , ingkang hanggung mestuti dhumateng pepoyaning kautaman Ø para alim, para ulama ingkang tansah cinaketan ing reh kautamaning budi kinuntunan mring kitab suci Langkung-langkung wonten ngarsanipun almukharam Bapa Kyai Toha   ingkang tansah kula dhereki menggah sabdatamanipun   saha ingkang tuhu kinabekten Ø Para Ustad saha ustadzah ingkang sinugata ing kautmatan Ø Pangemban pangembat praja mliginipun dhumateng bapa Muzamil, ingkang pantes sinudarsana Ø para kadang mudha madya werda saha panawung kridha darma ingkang sinangkeban talining pasedherekan bhineka tunggal ika, tanhama darma mangrowa, in...
Terus membaca