PAMBAGYAHARJA PAHARGYAN PENGANTEN

Assalamu’alaikum wr wb

           Kawilujengan karaharjan berkah saha rakhmad kagunganipun Gusti Ingkang Maha mirah, mugi tansah lumintu, lumintir, kajiwa kasalira dhumateng panjenengan sedaya dalasan kula sumrambah kulawarga waradin sagung dumadi, widada niskala lulus raharja

Ø Para ,sesepuh saha pinisepuh, ingkang hanggung mestuti dhumateng pepoyaning kautaman

Ø para alim, para ulama ingkang tansah cinaketan ing reh kautamaning budi kinuntunan mring kitab suci ingkang tansah kula mulyakan/dhereki menggah sabdatamanipun/maudhal khasanahipun saha ingkang tuhu kinabekten

Ø maggalaning praja satriya pangembating nagari ingkang tuhu berbudi bawa leksana, langkung-langkung dhumateng bapak Bupati/camat/lurah/kades....lsp ingkang pantes sinudarsana

Ø para trahing budaya adi luhung ingkang tansah memardi mring mardawaning budya, langkung-langkung dhumateng bapa ....

Ø para kadang mudha madya werda ingkang sinangkeban talining pasedherekan bhineka tunggal ika, tanhama darma mangrowa, ingkang kinurmatan

Ø para rawuh kakung sumawana putri ingkang tansah sinugata sagunging kaurmatan, langkung-langkung panjeneganipun Bapa . . . . . . . .(.besan) sumrambah dhateng pangombyong penganten kakung ingkang kula mulyaaken

Nglenggana bilih panjenengan lan kula jejering titah sawantah jalma limrah ingkang tansah kapurba kawesa dining gusti ingkang maha wikan sumangga kula dherekaken hangonjukaken puja pudyastawa sahandhap pepadaning Gusti Ingkang Maha Agung, ingkang saking keparengipun ing ari/ratri kalenggahan menika saged kempal manunggal angestreni tumapaking gati upacara pahargyan/pawiwahan dauping penganten punika, kanthi widada kalis ing sakehing durgama, wilujeng rahayu, inggih awit saking menika minangka wedharing raos syukur kanthi pangucap  “Alhamdulillahirabbil ‘alamin”

Shalawat saha salam dalah karahayon mugi tansah lumeber dhumateng priyagung paunggulaning manungsa mustikaning bawana, Nabi agung, nabi akhir zaman nun inggih Rasulullah Muhammad S.A.W dalah kaluarga sumrambah para sahabat, ,sagung pandherek kalebet panjenengan sedaya dalasan kula ingkang tansah hangantu songsong pangayomaning fiddunya wal akhirah. Amin

Salajengipun kula nyuwun ing deduka tinebihna ing tolak balik, Kula cumanthaka ngadeg ngabyantara matur wonten ngarsa panjenengan sedaya satemah anggempil kamerdhikan nyahak wewenang nyigeg sawetasis anggen panjengenan eca sekeca wawan sabda, awit mundhi dhawuh tinimbalanipun rakamas/bapa . . . ing kalenggahan menika kula kapiji kanthi minangka raga sambeting wicara talanging basa, panjenenganipun rakamas/Bapa. . . .ngaturaken pambagya harja sugeng rawuh. Mboten karana panjenenganipun raka mas/bapa. . . .kirang wasis ngracik basa twin sastra, namung awit saking bombong, mongkog birawaning penggalih,  nampi rawuh panjenengan sedaya saha nampi paringipun sih katresnan miwah sih kadarman ingkang arupi punapa kemawon,  sedaya sabda pangandikanipun ingkang sampun karancang kaenamnam ngantos kathirik –thirik. Sedaya boten kawijil ing lesan, namung kahandheg ing  kathiking jangga tembeng-tembeng ing telenging wardaya, senadyan saklimah kemawon ewa mboten kawawa ngenandika, setemah namung sedhakep anungku jangga, legeg-legeg kadya tugu sinukarta.

Kranten mriki kula minangka sulih salira dining kang raka mas/bapa. . . . . ingkang sepisan ngaturaken sugeng rawuh panjenengan sedaya, sugeng lenggah kanthi suka merdhikaning penggalih ngantos paripurnaning pawiwahan/pahargyan ing mangke, saha boten kesupen ngaturaken gunging panuwun ingkang tanpa winates, dene panjenengan sedaya priyagung ingkang tansah kabujung ing bot repoting bebrayan agung, saha kaliput ing sarwining pakaryan, parandene  tasih kepareng mirunggaaken  wekdal ngrawuhi wontenipun  ing pahargyan menika,

Sagung para rawuh kakung sumawana putri ingkang dhahat kinurmatan.

Kados sampun kaserat/kacetha wonten ing kintaka wara/sedhahan punapa lumantar para kadang panawung kridha ingkang ngabyantara  sowan wonten dalem panjenengan sowang sowang, bilih ing wekdal punika raka mas/bapa . . . . asung netepi darmaning asepuh amahargya siwi amerwata  suta, ndhaupaken atmaja putri ingkang mijil pambayun  asesilih nak mas ayu/nimas ayu . . . . . . . . ingkang sampun kepareng ijab kabul saha dhaup kaliyan nak mas bagus . . . . atmaja panenggakipun (no 2) pandodo (no 3) panengah bapa . . . . ingkang lenggah dedalem wonten  . . . . wondene rumapaking gati saha ijab kabulipun penganten kekalih sampun kalaksanakan titi wanci ari/injang/ratri .. . . . . .tabuh kaping . . . .WNIP . . .surya. . . . .warsa . ..         mapan wonten pendhapi agung . . .dalem ageng . . . .mriki, kinanthenan  sineksen dining para sepuh miwah sesepuh saha cinathet ing ngarsaning rat pradhata agami Islam pangarsa KUA kecamatan. . .

Dene awit paring idi pangestu saking panjenengan sedaya tumapaking gati upacara ijab kabuling penganten sampun kaleksanan kanthi widada nirbaya nir wikala. Saking menika panjengenan sedaya kasuwun rawuh ing pahargyan ing siang menika mboten sanes kasuwun idi pangestunipun mugi-mugi penganten kekalih anggenipun arsa mbeber layar lelumban ing samudraning bebrayan agung balewisma, wiwit purwa madya dumugining wasana tansah manggih bagya mulya tinebihna ing rubeda kalis ing sambikala, tansah pinaringan rejeki ingkang halalan toyiban,  satemah saged memangun bebrayan kinanthen sakinah mawahdah warohmah. Tembenipun enggal pinaringan putra putri ingkang soleh solehah minangka wiji sunu wohing katresnan.

Sagung Para rawuh ingkang sinugata sagunging kaurmatan,

Estunipun tumapaking gati upacara pahargyan ing siang punika saged kaleksanan kanthi rancak jumbuh ingkang ginayuh, .sembada ingkang sinedya, sayekti ingkang kaesti, mboten sanes inggih awit saking panyengkuyung para kadang, para mitra karuh sanak rowang miwah tanggi tepalih, ingkang arupi bandha beya bau suku miwah iguh pratikel twin sapiturutipun, ingkang mboten saged kasebat setunggal mboko setunggal, satemah saged damel rancaking pawiwahan wiwit purwa, madya dumugining ndhoto ing wekdal punika,  saking menika panjenenganipun raka mas/bapa. . . . .ngaturaken agunging panuwun ingkang tanpa pepindhan/upami,  raka mas/bapa . . . . . .mboten saged atur piwales ingkang timbang/jumbuh/satraju kaliyan paring pambiyantu panjenengan sedaya, namung kanthi panggrantesing penggalih nyuwun dhumateng ngarsa dalem gusti ingkang maha agung/gusti ingkang maha mirah/wikan/selas asih/kuwaos mugi-mugi paring pambiyantu panjenengan sedaya kacathet minangka ngamal ngibadah saha nampi piwales ingkang timbang destun (sukur) hanglangkungana.

Para tamu ingkang kinurmatan

Estunipun sampun sawatawis dangu anggenipun raka mas/bapa. . . . . . anggenipun ngarancang angenamnam angracik ngantos kathirik thirik murih pahargyan ing siang menika mboten/datan nguciwani sagung para tamu kakung sumawana putri, parandene raka mas/bapa. . . . .namung jejering titah sawantah jalma limprah ingkang winates salwiring panjangkah satemah dumugining ndhata tasih kantha khithal kuciwanipun utaminipun ingkang sambet titrah kaliyan panampining tamu inggih boja  krama lan sasana. Boja ateges  atur pasedahan ingkang kirang miraos, mboten jumbuh kaliyan palenggahan panjenengan sedaya. Krama,  subasitaning para kadang among tamu ambembaga ingkang nilar deduga lan prayoga satemah hanggempil kamardhikan panjenengan sedaya, wondene Sasana ateges papan ingkang sawetawis cupat kapara panjenengan dipun lenggahaken wonten pelataran njawi, sedaya kalau wau panjenenganipun raka mas/bapa. . . namung saged nyadong.nyuwun rumentahing samudra pangaksami.

Semanten ugi ingkang tinandhuk wonten jasad kula minangka raga sambeting wicara Raka mas/Bapa. . . . .,jejering kula tiyang ingkang cubluk ambelilu, kothong ing seserepan miwah asor ing samukawis, kirang jangkeping pamatur kula kanthah ingkang nalingsir ing paugeran, miwah kirang suba sita anggen kula lumarap atur, ingkang tan bangkit mangun suka reraning penggalih sagung para rawuh kakung sumawana putri,  kanthi andhap asoring manah mugi kepareng panjenengan mbedhahna telenging samodra hanyempyakna tirta pangaksami dateng jasad kula.

Tebak siti wohing dami   biinungkus roning klapa Kula tansah hanglenggana apuranto sedaya lepat kawula, Minangka puput pepet pepunthoning atur, kepareng kula memuja puji mandarmaning sesanti, gangga gangga tri gangga  durga mendhak kala sirna, hamung widada mulya ingkang tansah kinanthiya

            Wasana “ Ihdinassiratalmustaqim, wabillahitaufik walhidayah, wassalamu’alaikum wr.wb.”